Nan lane de mil vennkat, nan dat siz desanm (06/12/2024), nou menm, manm fondatè yo, sitwayen Ayisyen, k ap jwi tout dwa sivil ak politik nou yo, grasa Deklarasyon Inivèsèl Dwa Moun nan dat 10 desanm 1948; Pwotokòl Entènasyonal sou Dwa Sivil ak Politik Nasyonzini te adopte nan dat 16 desanm 1966; Konvansyon Ameriken sou Dwa Moun nan dat 22 novanm 1969; dispozisyon Kòd Penal la konsènan egzèsis dwa politik yo; dekrè 30 jiyè 1986 ki reglemante fonksyònman pati politik yo; nan preanbil konstitisyon 1987 la nan 4èm paragraf li a ak dispozisyon ki nan atik 17, 28, 31-2, 52, 52-1, 58, 59, 60, 88, 137, 158, 220, 232, 281, ak 281-1, reyini an Asanble Jeneral a onzè nan maten, epi apre diskisyon ak deliberasyon, nou rive nan konklizyon sa a: nou dwe kreye yon enstriman politik pou dekole priz povrete a epi defann dwa kiltirèl, sosyal, ekonomik ak politik Nasyon Ayisyen an.